18.11.2021

Kabaret Sténkdéier

Program

De Kabaret Sténkdéier mam neie Programm: "Negativ".
Et spillen Conny Braquet, Irène Zeimes, Claude Faber a Luc Schumacher.
Regie & Texter: Roland Meyer.
Musek: Camille Nanquette.
Negativ ass den neie Positiv! Loosst Iech net mat positive Leit an, well dat kéint schlecht ausgoen! Nëmme Kontakter mat Negativen, dann hutt Dir alles ënner Kontroll. De Virus huet eist Liewe geännert, huet eis d'Welt op d'Kopp gestallt, a wat bis dohinner richteg a wouer war, ka sech elo als falsch erausstellen. A wollt am Ufank just den Etienne säi Liewen zeréck, esou wëlle mer et elo all zeréck. Et soll nees esou sinn, wéi virdrun: mat Vakanze-Fliger a Croisières-Schëff d'Klima retten a mam SUV op den Après-Ski. Et war jo och esou schéin!
E puer Verwinnten drécken sech vir, esou wéi et bei diene Verwinnten nach ëmmer war, gi virun all dienen anere geimpft a fannen dat um Enn och nach ganz normal, mir aner stinn an der Rei a musse waarden, a fannen dat net normal. Bei Viagra hu mir vollst Vertrauen, "Totgeglaubte leben länger", beim Vaccin zécke mer, och wann de Produzent die selwechten ass, iewer kee Mënsch freet, wat esou Muertentrëppler an Tëntesëffer wéi de Loulou an de Würth an engem Verwaltungsrot verluer hunn.
A grad elo bei dier schlëmmster Kris hu Grand-Ducs eis och nach sëtze gelooss a sech mir näischt dir näischt duerch d'Bascht op Biarritz gemaach. Elo, wou mir hire Bäistand am néidegste gebraucht hätten, gi si léiwer ongeneemegt an onerwënscht Interviewen am Paris-Match. Eist aller Monica mobbt sech derduerch, wann et anescht net weiderkënnt a bréngt d'DP an d'Laberenten, mee dat schlëmmst ass, datt et kee Lëtzebuerger Cremant méi bei der Luxair gëtt.
Wat Zäiten net nach!
General Information

Cube 521

DRIICHT
L-9764 MARNACH

See on the map

Date

Thursday, 18 November 2021


Prices

Plein tarif : 20

Jeune (<26) : 10

Cube Card : 17


Contact